قصائد من ذهب(خالد الفيصل)

يا طـــــــــــــــــــارد


يا طــــــارد اللي راح خــله
ومــلوه

ما يستــقيم الظــل لا عـــوج
عـــــــــــــــــوده

ولا ينفــــع النـــدمان قولــة
حــولاه

جـــحـــــــر لـــــــدغ يمنـــــــاك لا لا
تعـــــوده

مد النظر في خلق ربي تمعناه

إلى انتقص من حال حال يزوده

الله جعــــل للمبتــــــــلي داه
ودواه

وكل على عزمات قلبــــــــه
حدودهــفي سحــــــــابهـــــــــــــــــــــــــــــ

في سحــــــــابه

لو نسيت

لو نسيت .. لو نسيت العمر ما انسى دمعتك صرخة ذابت من عيونك دموع ترتعش مرتاعة في وجنتك وانتفض قلبي لها بين الضلوع أزعجت صمت الليالي عبرتك بالخفا ثوره وبالظاهر خشوع تسكب الدمعه وتظمى نظرتك مشهد النظرة وهي تظمى يروع يا ضياع العمر ضيعة بسمتك ضاع معها خافق مثلك جزوع ليت من يمتص جارح لحظتك والفرح يشعل دياجيرك شموع

علامك

علامك .. قالوا علامك قلت ما بي خلاف ما بي بلا يا كود فرقى المحبين الحب لو يجحد عليله يشاف يدري به اللي عارف لوعة البين شئ يشاف وشئ بالجوف خاف عشر تبين وخافي منه تسعين

لا يطول غيابك

لا يطول غيابك .. لا يطول غيابك ثم اخذ عليه لو تخليت عني عنك قلبي تخلى العذر والتعلل والحكي ما نبيه من تحرك فواده بالهوى ما تغلى طبعي الصبر لكن وش عليه ارتجيه من طويل الصبر يعقوب وايوب ملا دامني حي عطني وش بقى نحتريه ما بي دموعك اللي عقب موتي تهلا ما بقى بالعمر مقدار ما راح فيه كل ما زل يوم يوم بالعمر ولى ما يعرف الجمر مثل الذي يكتويه احد يدفا بناره واحد فيه يتصلى يا من القلب حطيته براحة يديه ما رضى له مكان غير كفك محلا كم تعذر وعيا عن هوى مهتويه لين طاح بيمينك بالغرام وتجلى

حدر القمر

حدر القمر .. حدر القمر صوّت لخله وناداه ثلاث مرات وبالرابعة ون حدر القمر يا ما همس له وناجاه وعيونهم ياما بنوره تلاقن والبارحه عدا على الذيب بعواه واقفت ظنونه بالليال يتعادن مرٍ حوالينه ومرٍ تعداه ومر تضاحك له ومر يتباكن هذي سواة اللي عن النوم قزاه طيف الحبيب اللي على خاطره عن ان شافت عيونه جمال تمناه وان صوت القمري لصوت الهوى حن الجارحه تجرح وتسري وتنساه وجروح مجروح الليالي تساقن والخافيه طعنة زمانه تمثناه والبينه عنها عيونه يبوحن

الف شكر